До 15 часот излезноста во Гевгелија над 40 отсто, во Дојран над 46 отсто
Излезноста на гласачите на седмите локални избори во општина Гевгелија заклучно со 15 часот изнесува 40,15 отсто. Од ОИК информираат дека на гласање излегле 7.652 граѓани, односно 40,15 отсто од евидентираните гласачи.
Во општина Дојран, пак, процентот на излезност од 46,75 отсто, но на избирачкиот список има само 2.678 избирачи.
Даштевски - Ако е потребно гласањето ќе продолжи и по 19 часот, излезност до 15 часот 31,8 отсто
Гласањето ќе се продолжи за граѓаните кои ќе се најдат на избирачките места и во дворовите на објектите по 19 часот и тие ќе можат да го остварат своето право на глас, истакна денеска претседателот на Државната изборна комисија (ДИК) Александар Даштевски, охрабрувајќи ги граѓаните масовно да излезат и да гласаат на локалните избори.
До 15 часот излезноста на гласачите е 31,8 отсто од добиени податоци од 69,86 отсто од избирачките места. На овие избирачки места гласале 403 715 гласачи.
