Експлозијата во Чешка во 2014 година за која се обвинуваат руски агенти

Чешка нареди 18 руски дипломати да ја напуштат земјата откако чешките разузнавачи поврзаа руски воени агенти со масовната експлозија на складиштето на муниција во близина на Врбетице на 20 октомври 2014 година.

Премиерот Андреј Бабиш на 17 април рече дека одлуката за протерување на Русите е донесена врз основа на „недвосмислени докази“ обезбедени од истражители од чешките разузнавачки и безбедносни служби.

Чешка „мора да реагира на овие невидени откритија на соодветен начин“, рече Бабиш.