Триесетгодишната Сандра Мембала од Конго живее во Скопје повеќе од пет години. Ова не ѝ била првично планирана дестинација кога заминала од дома како мигрантка, но откако дошла вели дека го нашла местото кое нуди подобар живот и би сакала тука да остане засекогаш.
Во Подгорица, Црна Гора, отворен е женски клуб за самоодбрана. Станува збор за редовен тренинг во фитнес-центар, но и начин учесничките да стекнат самодоверба и да се спротивстават на секаков вид на напад, во општество во кое сè уште толерира насилство врз жените. Бројот на членки, велат, расте.
Седум сестри со моминско презиме Бериша, отвориле фамилијарен бизнис со пецива среде пандемија, во Скопје. Одат напред водени од родителските совети за храброст и упорност и поддржани од двајцата браќа и од сопрузите.
Тендерите за учебниците за основно и средно образование за оваа и следната учебна година „тежат“ вкупно 16,5 милиони евра. Со нив е опфатено превод, печатење и дистрибуција. Националната комисија за учебници сѐ уште работи на одобрување на нови учебници и некои ќе стигнат дури на крајот на годинава.
Некои ученици имаат учебници уште од крајот на минатата година, но велат, исто како да ги немаат сите , бидејќи повеќето се распаѓаат. Други уште чекаат учебници. Од Министерството за образование и наука (МОН) порачуваат дека училиштата треба да ги пријават оштетените за да се испечатат нови.
На повеќе крстосници низ Скопје возачите редовно се среќаваат со чистачите на ветробранските стакла или „шофершајбните“. Од Министерството за внатрешни работи велат постојано се преземаат мерки, но нашиот соговорник тврди дека досега немал проблем со полиција.
Драстично намален број на ученици годинава има во поголемите општини како Битола, Охрид и Прилеп. Повеќе ученици се запишани само во Аеродром и Чаир. Секоја година сè повеќе деца на македонски државјани се раѓаат во странство, а Северна Македонија е меѓу 20-те земји со најголема стапка на иселување.
Графити уметниците Марјан Димиќ- Мачка и Драган Китановски - Драш велат дека на Скопје му фалат повеќе шарени згради и исцртани локации, бидејќи муралите и графитите во модерните градови се духот на градот, а со разубавување на фасади кои ги јаде забот на времето, се разбива и монотонијата.
Емели и Шантал од Аруба имале неколку опции за волонтирање во странство, но ја избрале Северна Македонија. Во нивниот двомесечен ангажман тие се дружат и учат со децата во Дневниот центар за деца на улица во Шуто Оризари.
Веќе седум години кавадарчанецот Борче Стаменов после редовната работа во компанија за електроника, уште минимум половина работно време се посветува на нешто кое не му носи екстра пари, но му носи задоволство.
Не е синдром на „прегореност“ од работа или „burnout“ сѐ што „гори“, но луѓе со симптоми на исцрпеност има сѐ повеќе. Светската здравствена организација го класифицира како синдром и матичен лекар може врз основа на оваа дијагноза да отвори боледување. Кој бара помош заради исцрпеност од работа?
На само 13 години, Пакистанецот Алираза Куреши станал мигрант. Заминал од дома без документи и без родители, со намера да стигне во Германија. По неколку неуспешни обиди, стигнал до Северна Maкедонија каде живее веќе 5 години.
Вчитај повеќе
