Кога пламените јазици пред неколку дена го зафатија домот на Стелиос Кокинелис во предградие северно од Атина, а службите за итни случаи не одговорија на неговите повици за помош, тој реши да ја игнорира наредбата за евакуација и да ги преземе работите во свои раце.
„Се криев за да не ме најдат. Се преместив на другата страна од мојата куќа и почнав да се борам со огнот со сопствена вода, во спротивно ќе изгореше“, изјави 82-годишниот старец, кој ја изградил својата трикатна куќа во пошумената област Варимпомпи кога се вратил дома по 25 години работа во Јужна Африка.
Загинат пожарникар и уништени илјадници хектари шуми од пожарите во Грција
Неговата ќерка Ирини се расплака додека раскажуваше како побегнала без да знае што се случило со нејзиниот татко или дали домот што таа и нејзиното семејство го делат со него ќе бидат уништени.
Вашиот пребарувач не подржува HTML5
Огнениот пекол на грчкиот остров Евија
„Ако татко ми не останеше, нашата куќа ќе изгореше. Противпожарната служба ја немаше никаде. За среќа имаше доброволци. Чувствувам гнев, ништо друго“, вели таа.
Фотографиите споделени на социјалните мрежи од исцрпени пожарникари како спијат на земја, облечени во зачадени униформи што ги носеа за да се борат со пламените јазици, го покажаа притисокот под кој се наоѓаат итните служби.
Речиси 1.000 пожарникари, девет авиони и 200 возила се испратени во Грција од други европски земји за да помогнат во борбата со разорните пожари во близина на Атина и на други места.
Илјадници луѓе евакуирани во од Атина поради пожарите
Но, како што пристигнаа засилувањата, некои Грци почнаа да се прашуваат зошто им е потребна помош на локалните противпожарни служби.
Телевизиските извештаи и социјалните медиуми прикажуваат лути коментари поради немањето доволно пожарникари за да се справат со пожарите.
Најчесто коментарите беа со нагласени забелешки за несразмерно големиот број полицајци.
Видете и ова: Србија испраќа во Грција 37 пожарникари со 13 возила и три хеликоптери„Благодарност до сите земји што дадоа помош за гаснење на пожарите. Ако некогаш ви требаат полицајци, известете не“, напиша еден коментатор на Твитер.
„По една деценија штедење што ги зафати јавните услуги, грчките противпожарни услуги се многу ослабени“, изјави Димитрис Статопулос, шеф на грчката федерација на пожарникари, наведувајќи дека веднаш треба да бидат ангажирани 5.000 пожарникари.
„Ние сме постојано во готовност. Во март имавме 10 дена поплави, потоа снег. Во Варимпоми и во Евија, ќе бидеме 20 дена со 500 пожарникари. Ова се опасни времиња“, рече Статопулос, додавајќи:
„Температурите беа толку високи во минатата недела во Варимпомпи, што водата испуштена од противпожарните авиони испаруваше пред да стигне до пламенот“.
Два големи пожари во Грција, температури до 43 степени
Премиерот Киријакос Мицотакис вчера се извини за слабостите на владата во одговорот на пожарите. Тој притоа рече дека одобрил дополнителен буџет од 500 милиони евра за помош и надомест за луѓето што загубиле имот во пожарите.
„Се извинувам за загубите“, рече Мицотакис во телевизиско обраќање, додавајќи: „Оние што загубија домови и имот ќе бидат обештетени. Опожарените области ќе се пошумуваат“.
Мицотакис прецизира дека владините служби морале да се справат со 586 пожари „на сите страни во Грција“ во услови на топлотен бран.
Видете и ова: Шумските пожари поттикнаа повици за поголема акција за климатските промениТој им се заблагодари на земјите што испратија помош и на многуте доброволци кои помогнаа во напорите за гаснење пожар. Мицотакис исто така најави дека евентуалните пропусти ќе бидат испитани.
„Климатската криза тропа на вратата на целата планета“, заклучи тој. Панелот на Обединетите нации за климатски промени вчера предупреди дека светот е опасно близу до глобалното затоплување.
Во јуни, грчкото Министерство за цивилна заштита објави план за заштита од пожари вреден 1,7 милијарди евра, финансиран главно од Европската инвестициска банка и Европската унија, кој вклучува замена на старите противпожарни авиони Канадер и ангажирање на противпожарна служба.
Во саботата, Акис Скертсос, висок владин функционер, одговори на критиките за тоа дека владата не сторила доволно, објавувајќи бројки што покажуваат дека Грција е многу понапред од другите медитерански земји по бројот на противпожарни авиони.
ЕУ ќе испрати помош и опрема за справување со пожарите
Тој рече дека трошоците за цивилна заштита се зголемени за 56 насто во изминатите три години, при што бројот на постојани и сезонски пожарникари се зголеми за 16 проценти, на 14.736. Грција сега има 74 противпожарни авиони, во споредба со 51 година во 2018 година.
Пожарите досега не предизвикаа толку жртви како пожарите пред три години, во кои загинаа повеќе од 100 луѓе, уништувајќи ја довербата на јавноста во левичарската влада на Сириза, која загуби на следните избори.
Иако критиките од опозицијата досега беа пригушени, гневот на јавноста може да продолжи долго време откако ќе изгаснат пламените јазици.
„Владата треба да поднесе оставка што е можно поскоро. Тие не направија апсолутно ништо, нула“, изјави Макис Ладојанакис, 77-годишен жител на Пефки, во северна Евија. „Сите се очајни. Сите се разочарани“, додава тој.